Hallo Zäme ig bi dr Dänu...

...ig bi e jungä ufgstellte Fahrlehrer, wo dir mit Geduld und uf ruhegi Art lehrt Autofahre.  Mis Motto: Es muess Fröid mache! So chunt me viel schneller as Ziel!

Nach mire erschte Usbildig zum Finmechaniker, ha ig 2 Jahr uf em Bruef gschaffet. Wiu mi Fahrzüg mit vier Redli scho vo chli a hei fasziniert, bi ig ufä Laschtwagä umgstigä u bi 6 Jahr lang quer dür d’Schwiz gfahre. Da ig e kontaktfreudige Mönsch bi u me  bim Laschtwage fahre immer allei unterwägs isch, ha ig mi entschlossä, Fahrlehrer zwärde. Die Erfahrige wo ig als Chauffeur und aus Autofahrer ha gsammlet u immer no sammle, gibe ig dir im Fahrunterricht witer, so dass us dir e guete u sichere Autofahrer wird. Sit 5 Jahr bi ig jetzt aus Fahrlehrer tätig u machä dä Job o vouamtlich.
I mire Freizit ga ig gärn ga touche u im Winter ga snöbä.

So, jetzt wo du scho so „viu“ weisch über mi, wird’s Zyt, das ig e chli meh über di erfahre...

Lüt mir a we du Frage hesch oder dini erschti Fahrstund wosch abmache.